За Нас

Иднината дојде!

Тоа што го најавивме во новогодишниот отчет за 2018-та, конечно стана реалност! (ЛИНК)

После долготрајни напори ја изготвивме, ја испринтавме и веќе поделивме 300 од првите 400 изработени првични персонализирани членски картички на здружението кои имаат вграден проксимити чип.

И да, веќе се подготвени и наскоро ќе бидат пуштени за изработка конечните верзии на членската карта.

Зошто баш ваква картичка?

Затоа што тоа е иднината и затоа што во целост е компатибилна за нашите визии!

Кои се нашите визии?

Нашите визии се една членска за сите крводарители! Поточно, сите крводарители организирани во едно здружение, сплотени во реализација на нашите планови/желби за крводарителите.

Зошто е потребна една членска?

Една и единствена членска, на едно обединувачко Здружение, е неопходна со цел да станеме дел од заедничката иднина, иднината во која живеат во кохезија речиси 100 национални здруженија на крводарители.

http://www.fiods-ifbdo.org/

 

Со години се планираше и подготвуваше овој проект.

Се започна со откривање на хрватското здружение на доброволни дарители на крв, проучување на истото, наоѓање на нивната пристапница, адаптирање на истата и подготвување на членската.

Зошто?

Затоа што хрватското, албанското, грчкото и бугарското здружение се членки на светската федерација на национални здруженија на крводарители.

Што содржи на новата членска?.

Првичниот дизајн и задната страна на новата членска

 

Како што кажавме, нашата членска е персонализирана. На неа има основни податоци од крводарителот, како Име, Презиме, Регион, Населено место, Слика, крвна група, ознака за категорија(во моментов се планирани две) и планирана е ознака за јубилејни дарувања.

Доколку постигнеме договор со Институтот за трансфузиона медицина, на нашата членска ќе го додадеме и нивното лого и официјалниот број на дарителот според системот кој го користат, е-делфин.

На тој начин ќе имаме целосна интеграција на сите можни бенефиции.

Какви бенефиции ќе носи нашата членска книшка?

Нашата книшка е адаптирана согласно барањата од надлежните од железничкиот транспорт.
Тие бараа да се воведат 2 категории, и ние го осмисливме и вградивме тоа.
Сега останува да помине вонредната состојба, да поминат изборите, да се формира нова Влада и официјално да ја започнеме процедурата за добивање на попусти за билети во железничкиот сообраќај.

Поднесовме барање до градоначалникот на Град Скопје, и се надеваме дека следната година ќе биде успешно реализирано.
Што тоа?
Имплементирање на бенефиција која ја имаат крводарителите со 30, односно крводарителките со 20 дарувања на крв во Загреб(и други градови низ Европа, како на пример Варшава, Братислава, Прага и други): ослободување од плаќање на градски превоз.

Освен овие две иницијативи, планираме да побараме да се одобрат повластени цени за крводарителите со одреден број дарувања, односно потполно ослободување од плаќање на градски паркинг за дарители со 50 или повеќе дарувања од плаќање на градски паркинг и патарини (согласно можностите на јавните претпријатија).

И кога помисливте дека ги исцрпивме сите можности за користење на нашата членска, ние ќе извадиме уште еден “зајак” од шапката.

Нашата членска веќе носи:

– 33% попуст за влезниците во најзабавниот музеј во главниот град, Музејот на Илузии;
– 25% попуст на билетите во Драмски театар Скопје,
– 50% попуст за рекламирање кај нашиот партнер и подржувач YELLOW PAGES MK;
– 40% попуст на редовните цени во ТЕХНОПОЛИС:
– 25% во фризерски салон БЈУТИФУЛ – Кавадарци;
– 30%  на изработка на печати во ТРОДАТ ГРАВЕР;
– 50% за гравирање во ТРОДАТ ГРАВЕР;
– 30% попуст на технички преглед на возила и плаќање на осигуретална полиса до 6 рати, во ЦРЦ;
– 25% попуст на јазични курсеви во Академија О Фортуна;
– 20% попуст во книжарницата МАТИЦА, , на двете локации;
– 20% попуст во Наргиле во Стара чаршија;
– 20% попуст во Рок кафана Рустикана;
– 20% попуст за изработка на програм за исхрана од страна на нашиот член и поддржувач Нутриционист Јулијана Велковски;
– 20% попуст на онлајн обуки во Сеавус Едукативниот Центар;
– 20% попуст за хостирање на веб страници на Go-Host;
– 20% попуст за јазични курсеви во школото Logos Plus(со експозитури во Скопје, Битола и Ресен);
– 20% за домашни готвени јадења и кетеринг во ТВОЈА ВЕСЕЛБА КУМ односно КЕТЕРИНГ ТВОЈА ВЕСЕЛБА;
– 20% попуст на услужни дејности(изработка на веб страни) во Трипле-И Лаб ДОО;
– 20% попуст во пицерија ЗАНЗИБАР;
– 20% во нуркачки центар АМФОРА;
– 20% попуст за картинг доживувањата во Скај Карт;
– 20% попуст и бесплатен преглед доколку се купи рамка или диоптрија во  ОПТИКА ТРИВЕКС;
– 20% попуст на автосервисни услуги во АВТОСЕРВИС КИС;
– 15% попуст за користење на услугите на медиумот ОПСЕРВЕР ;
– 15% попуст на судски или обични преводи во академија О Фортуна;
– 15% попуст на највкусните комбинации во МЕЛЕМ ОД ВКУСОВИ;
– 15% попуст на книговодствени услуги во Книго Мак;
– 15% попуст на јазични курсеви во Јазичен центар ДА НАУЧИМЕ:
– до 10% попуст за купување на производи; 20% попуст на работна рака и до 10% попуст при замена на дефектен дел во сервис; бесплатна испорака во град Скопје, а за порачки поголеми од  6ооо денари до сите населени места, НЕКСИО КОМПЈУТЕРИ;
-10% попуст на компјутерски курсеви во Logos Plus;
– 10% попуст CRAFTS;
– 10% попуст на сите YAMAHA производи во До Ре Ми ДООЕЛ;
– 10% попуст во продавниците на ТЕА КОЛОРС ;
– 10% во книжарниците ТРИМАКС;
– 10% дополнителен попуст на актуелните цени во Б-ВОЧ 1928;
– 10% попуст на сите врамувања во АРТЕРАМА ДООЕЛ;
– 10% попуст при онлајн купување на производите на нашиот поддржувач KENDY PHARMA;
– Попуст во болниците на САНТЕ ПЛУС: 5% за прегледи, 10% за медицински интервенции кои не се на промоција, и 15% за лекувања во Турција;
и уште многу други места, како на пример Олимпиа Моторс, Koni Kopi; во кои попустот зависи од услугата или производот.

Наскоро ќе ги истакнеме сите партнери и соработници, кај кои нашата членска ќе носи одредена поволност.

А да, ќе заборавевме да спомнеме дека бараме начин за финансирање на изработка на апликација на мобилен, преку која нашите членови ќе ги имаат на увид својата членска, своите евидентирани дарувања(кога ќе го оспособиме тој дел од сајтот), местата каде ќе може да се искористи поволност, и уште една мала работа: известувања за сите актуелни повици за крв, како и најавите за работите кои ги делиме на нашите профили.
Знаете на кои мислиме?
Да, на оние кои редовно се делат, а се во моментов на пауза поради актуелната ситуација.

Со овие картички назначивме регионални и локални координатори.
Нивна задача ќе биде да наоѓаат места во нивните реони за нови попусти, кои би биле достапни за сите наши членови.

И на крај доаѓа најважното прашање: ЗОШТО ГО НАПРАВИВМЕ ОВА?

Затоа што крводарителите го заслужуваат тоа!

И не само тоа!

Нашето здружение го достави следното барање до Министерството за здравство, Институтот за трансфузиона медицина, Министерството за труд и социјална политика, црвен крст, Кабинетот на Премиерот и Кабинетот на Претседателот.

Вовед и претставување на Здружението
Дел од нашите предлози/иницијативи
Уште некои од нашите предлози/иницијативи
Последната страница од основната рамка за која се залагаме.

Ова се само дел од идеите добиени преку анкетите кои ги собиравме од крводарителите последниве две години, а со зачленување во нашето Здружение ќе ја дадете Вашата поддршка, за Наша легитимност во реализација на истите.

Ако мислите дека работите кон кои се стремиме се во интерес на крводарителите, Ве повикуваме да се зачлените во нашето Здружение и да ни помогнете во нивна реализација.

Како се станува член?

Член се станува со пополнување на пристапница, редовно уплаќање на годишна членарина, периодично апдејтирање на информациите и доставување на слика за членската картичка.

Годишната членарина е поделена во две категории: – Членарина за крводарители, со износ од 100 денари годишно за персонализирана членска картичка; и – Членарина за поддржувачи, односно луѓе кои не се крводарители, со износ од 2500 денари.

Членарината, која е годишна, се регулира со директна уплата на нашата жиро сметка (која се гледа на долната слика).

Предната страница од званичната пристапница

 

Придружете ни се во градење на подобра иднина за Нас, луѓето кои навистина ги заслужуваат сите можни поволности во нашето општество!

Во име на тимот кој стои позади логото на Здружението на крводарители и поддржувачи на крводарителството КРВОДАРИТЕЛ Скопје,

Претседател на Здружението

Дамир Смајловиќ.